Муслиманот кој го даде својот живот за Христијаните од Мосул

Според порталот ankawa.com, еден универзитетски професор – Муслиман бил убиен откако јавно проговорил против анти-Христијанското гонење. Во меѓувреме, Исламската држава одредила месечна сума од 450 американски долари како верски данок (џизија) за немуслиманското население.

Махмуд Ал Асали, професор по педагогија на Универзитетот во Мосул, одбил да молчи за насилството насочено кон Христијаните од Мосул. Според него, верскиот данок и убиствата на Христијани биле спротивни на исламските заповеди. Ваквата негова изјава, тој ја платил со својот живот на 2 август годинава. И не е единствен, наведуваат уредниците од порталот Ankawa: повеќемина борци за човекови права кои јавно го критикувале насилството годинава ги положиле нивните животи. Истовремено, сè повеќе Муслимани го ставаат симболот на отпорот – арапската буква „н“, симбол на Христијаните, на нивните фејсбук профили.

Сепак, и покрај овие жртви принесени на олтарот на слободата, лудилото наречено Исламска држава продолжува. Верскиот данок за немуслимани е одреден, и изнесува 450 американски долари месечно по човек. Со други зборови, доколу едно четиричлено христијанско семејство сака да продолжи да живее во Исламската држава, ќе треба месечно да плаќа по 1800 американски долари, што за приликите во северен Ирак е незамислива сума.

Оставете коментар

Започнете дискусија!

Извести ме
1000
wpDiscuz